- ਵਰਲਡ ਡਿਜਿਟਲ ਪ੍ਰੈਸ ਡੇਅ ਨੂੰ ਸਮਰਪਿਤ “ਡਿਜਿਟਲ ਪ੍ਰੈਸ ਕਲੱਬ” ਦੀ 7ਵੀਂ ਵਰ੍ਹੇਗੰਢ ਅਭੁੱਲ ਯਾਦਾਂ ਛੱਡਦੀ ਸਪੰਨ
- ਕਲੱਬ ਨੂੰ SRB ਬਣਾ ਕੇ ਪੰਜਾਬ ‘ਚ ਚੱਲਦੇ ਹਰ ਡਿਜਿਟਲ ਮੀਡੀਆ ਨੂੰ ਕੇਂਦਰ ਸਰਕਾਰ ਤੋਂ ਮਾਨਤਾ ਦਿਵਾਉਣਾ ਸਾਡਾ ਮੰਤਵ : ਸ਼ਰਮਾ
- ਡਿਜਿਟਲ ਮੀਡੀਆ ਦੇ ਪੱਤਰਕਾਰਾਂ ਨੂੰ ਵੀ ਪੰਜਾਬ ਸਰਕਾਰ ਜਾਰੀ ਕਰੇ ਪੀਲੇ ਜਾਂ ਕਿਸੇ ਹੋਰ ਰੰਗ ਦਾ ਪਹਿਚਾਣ ਪੱਤਰ : ਕੋਛੜ
- ਪ੍ਰੋਗਰਾਮ ਦੀ ਸਫਲਤਾ ਡਿਜਿਟਲ ਮੀਡੀਆ ਦੇ ਪੱਤਰਕਾਰਾਂ ਵੱਲੋਂ ਸਾਡੇ ਇਰਾਦੇ ‘ਤੇ ਮੋਹਰ : ਗੌੜ, ਮਹਿਦੂਦਾਂ
ਲੁਧਿਆਣਾ ( harmel singh ) ਵਰਲਡ ਡਿਜਿਟਲ ਪ੍ਰੈਸ ਡੇਅ ਨੂੰ ਸਮਰਪਿਤ “ਡਿਜਿਟਲ ਪ੍ਰੈਸ ਕਲੱਬ” ਦੀ 7ਵੀਂ ਵਰ੍ਹੇਗੰਢ ਹੋਟਲ ਬੈਲਾ ਕੋਸਟਾ ‘ਚ ਸ਼ਾਨਦਾਰ ਤਰੀਕੇ ਨਾਲ ਮਨਾਈ ਗਈ। ਜਿਸ ਦੀ ਸ਼ੁਰੂਆਤ ਜੁਆਇੰਟ ਸਕੱਤਰ ਹਰਜੀਤ ਸਿੰਘ ਖਾਲਸਾ ਵੱਲੋਂ ਪ੍ਰਮਾਤਮਾ ਅੱਗੇ ਅਰਦਾਸ ਕਰਕੇ ਪ੍ਰਸ਼ਾਦ ਵੰਡਣ ਉਪਰੰਤ ਕੀਤੀ ਗਈ। ਇਸ ਸਮਾਗਮ ‘ਚ ਕੈਬਨਿਟ ਮੰਤਰੀ ਸ੍ਰ ਹਰਦੀਪ ਸਿੰਘ ਮੁੰਡੀਆਂ, ਵਿਧਾਇਕ ਕੁਲਵੰਤ ਸਿੰਘ ਸਿੱਧੂ, ਵਿਧਾਇਕ ਦਲਜੀਤ ਸਿੰਘ ਭੋਲਾ ਗਰੇਵਾਲ, ਮੇਅਰ ਪ੍ਰਿੰਸੀਪਲ ਇੰਦਰਜੀਤ ਕੌਰ ਮੁੱਖ ਮਹਿਮਾਨ ਦੇ ਤੌਰ ‘ਤੇ ਜਦਕਿ ਵਿਸ਼ੇਸ਼ ਮਹਿਮਾਨ ਦੇ ਤੌਰ ‘ਤੇ ਭਾਜਪਾ ਦੇ ਖਜਾਨਚੀ ਗੁਰਦੇਵ ਦੇਬੀ ਸ਼ਰਮਾ ਦਾ ਸਪੁੱਤਰ ਅਕਾਸ਼ ਸ਼ਰਮਾ, ਉਦਯੋਪਤੀ ਅਵਤਾਰ ਸਿੰਘ ਭੋਗਲ ਤੇ ਗੁਰਮੀਤ ਸਿੰਘ ਕੁਲਾਰ, ਸਮਾਜਸੇਵੀ ਸੁਰਿੰਦਰ ਸਿੰਘ ਜੌੜਾ ਜੀਰਾ, ਨਗਰ ਨਿਗਮ ਦੇ ਜੋਨਲ ਕਮਿਸ਼ਨਰ ਜਗਦੇਵ ਸਿੰਘ ਸੇਖੋਂ ਪੁੱਜੇ ਜਿਨ੍ਹਾਂ ਨੂੰ ਚੇਅਰਮੈਨ ਰਵੀ ਸ਼ਰਮਾ, ਪ੍ਰਧਾਨ ਸਰਬਜੀਤ ਸਿੰਘ ਕੋਛੜ, ਉੱਪ ਚੇਅਰਮੈਨ ਰੋਹਿਤ ਗੌੜ, ਜਨਰਲ ਸਕੱਤਰ ਹਰਸ਼ਦੀਪ ਸਿੰਘ ਮਹਿਦੂਦਾਂ, ਮੁੱਖ ਕਾਨੂੰਨੀ ਸਲਾਹਕਾਰ ਐਡਵੋਕੇਟ ਗੌਰਵ ਅਰੋੜਾ, ਸਰਪ੍ਰਸਤ ਸੁਖਵਿੰੰਦਰ ਸਿੰਘ, ਖਜਾਨਚੀ ਸਰਬਜੀਤ ਸਿੰਘ ਪਨੇਸਰ ਤੇ ਸਕੱਤਰ ਭੁਪਿੰਦਰ ਸ਼ਾਨ ਨੇ ਪੂਰੇ ਅਦਬ ਨਾਲ ਸਟੇਜ ਉੱਤੇ ਬੈਠਾਇਆ ਜਦਕਿ ਸਾਰੇ ਮਹਿਮਾਨਾਂ ਦਾ ਮੁੱਖ ਗੇਟ ‘ਤੇ ਸਵਾਗਤ ਉੱਪ ਪ੍ਰਧਾਨ ਲੱਕੀ ਭੱਟੀ, ਜੁਆਇੰਟ ਸਕੱਤਰ ਪੰਕਜ ਅਰੋੜਾ ਤੇ ਈਸ਼ਾ, ਸਲਾਹਕਾਰ ਬਲਵਿੰਦਰ ਕਾਲੜਾ, ਮੋਹਣ ਸਿੰਘ, ਅਮਿਤ ਥਾਪਰ ਅਤੇ ਰਾਜ ਸੇਖਰ ਵੱਲੋਂ ਕੀਤਾ ਗਿਆ। ਜਰੂਰੀ ਰੁਝੇਵਿਆਂ ਕਾਰਨ ਸ਼ਹਿਰ ਤੋਂ ਬਾਹਰ ਗਏ ਆਗੂਆਂ ਅਤੇ ਮੋਹਤਬਰਾਂ ਨੇ ਵੀ ਸ਼ੁੱਭ ਇੱਛਾਵਾਂ ਭੇਜੀਆਂ। ਮੰਚ ਦਾ ਸੰਚਾਲਨ ਦੇਸ਼ ਦੁਨੀਆਂ ਦੇ ਸਾਬਕਾ ਮੁੱਖ ਸੰਪਾਦਕ ਗੁਰਪ੍ਰੀਤ ਸਿੰਘ ਮਹਿਦੂਦਾਂ ਵੱਲੋਂ ਕੀਤਾ ਗਿਆ ਜਿਸ ਵਿੱਚ ਮਹਿਲਾ ਵਿੰਗ ਦੀ ਇੰਚਾਰਜ ਪ੍ਰਿੰਅਕਾ ਸ਼ਰਮਾ ਤੇ ਜੁਆਇੰਟ ਸਕੱਤਰ ਅਰਵਿੰਦਰ ਸਰਾਣਾ ਸਹਿਯੋਗੀ ਰਹੇ।
ਵਿਧਾਇਕ ਕੁਲਵੰਤ ਸਿੰਘ ਸਿੱਧੂ ਅਤੇ ਜਗਦੇਵ ਸਿੰਘ ਸੇਖੋਂ ਵੱਲੋਂ ਸੀਨੀਅਰ ਮੀਤ ਪ੍ਰਧਾਨ ਗੁਰਮੀਤ ਸਿੰਘ ਨਿੱਜਰ ਦੀ ਟੀਮ ਦੀ ਅਗਵਾਈ ਹੇਠ ਕੀਤੀ ਗਈ। ਮੰਤਰੀ ਹਰਦੀਪ ਸਿੰਘ ਮੁੰਡੀਆਂ, ਵਿਧਾਇਕ ਕੁਲਵੰਤ ਸਿੰਘ ਸਿੱਧੂ, ਵਿਧਾਇਕ ਦਲਜੀਤ ਸਿੰਘ ਭੋਲਾ ਗਰੇਵਾਲ, ਮੇਅਰ ਪ੍ਰਿੰਸੀਪਲ ਇੰਦਰਜੀਤ ਕੌਰ ਵੱਲੋਂ ਕਲੱਬ ਦੇ ਪਹਿਚਾਣ ਪੱਤਰ ਉੱਤੇ ਦਸਤਖਤ ਕਰਕੇ ਉਸਨੂੰ ਜਾਰੀ ਕੀਤਾ ਗਿਆ। ਏਨ੍ਹਾਂ ਦੀ ਹਾਜਰੀ ‘ਚ ਪਹਿਲਾਂ ਆਮ ਆਦਮੀਂ ਪਾਰਟੀ ਦੇ ਕੌਮੀਂ ਕਨਵੀਨਰ ਸ਼੍ਰੀ ਅਰਵਿੰਦ ਕੇਜਰੀਵਾਲ ਵੱਲੋਂ 2022 ਦੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਲੁਧਿਆਣਾ ਸਮੇਤ ਪੰਜਾਬ ਦੇ ਸਾਰੇ ਸ਼ਹਿਰਾਂ ‘ਚ ਸਰਕਾਰੀ ਪ੍ਰੈਸ ਕਲੱਬ ਬਣਾਉਣ ਦੀ ਦਿੱਤੀ ਗਰਾਂਟੀ ਨੂੰ ਸਟੇਜ ਤੋਂ ਗੁਰਪ੍ਰੀਤ ਸਿੰਘ ਮਹਿਦੂਦਾਂ ਤੇ ਪ੍ਰਿਅੰਕਾ ਸ਼ਰਮਾ ਵੱਲੋਂ ਸੁਣਾਇਆ ਗਿਆ ਉਸ ਉਪਰੰਤ ਦਿੱਤਾ ਗਿਆ ਮੰਗ ਪੱਤਰ ਵੀ ਸਟੇਜ ਤੋਂ ਪੜਿਆ ਗਿਆ। ਜਿਸ ਉਪਰੰਤ ਮੰਤਰੀ ਮੁੰਡੀਆਂ, ਵਿਧਾਇਕ ਗਰੇਵਾਲ ਤੇ ਸਿੱਧੂ ਅਤੇ ਮੇਅਰ ਇੰਦਰਜੀਤ ਕੌਰ ਨੇ ਲੁਧਿਆਣਾ ‘ਚ ਜਲਦ ਸਰਕਾਰੀ ਪ੍ਰੈਸ ਕਲੱਬ ਬਣਾਉਣ ਦਾ ਭਰੋਸਾ ਦਿੱਤਾ। ਉਨ੍ਹਾਂ ਕਿਹਾ ਸ਼੍ਰੀ ਕੇਜਰੀਵਾਲ ਦੀ ਪ੍ਰੈਸ ਕਲੱਬ ਬਣਾਉਣ ਦੀ ਗਰਾਂਟੀ ਨੂੰ ਲਾਗੂ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਉਹ ਪ੍ਰੈਸ ਕਲੱਬ, ਡਿਜਿਟਲ ਮੀਡੀਆ ਲਈ ਪੀਲੇ ਕਾਰਡ ਜਾਰੀ ਕਰਨ ਸਮੇਤ ਸਾਰੀਆਂ ਮੰਗਾਂ ਲਈ ਮੁੱਖ ਮੰਤਰੀ ਨੂੰ ਮਿਲਣਗੇ। ਉਨ੍ਹਾਂ ਡਿਜਿਟਲ ਮੀਡੀਆ ਨਾਲ ਸਬੰਧਿਤ ਪੱਤਰਕਾਰਾਂ ਦੀ ਸਿਫਤ ਕਰਦਿਆਂ ਕਿਹਾ ਕਿ ਦਿੱਲੀ ਤੋਂ ਬਾਅਦ ਪੰਜਾਬ ‘ਚ ਆਪ ਦੀ ਸਰਕਾਰ ਬਣਨ ‘ਚ ਏਸੇ ਡਿਜਿਟਲ ਪਲੇਟਫਾਰਮ ਦਾ ਬਹੁਤ ਵੱਡਾ ਯੋਗਦਾਨ ਹੈ। ਕੋਰ ਕਮੇਟੀ ਦੇ ਉਪਰੋਕਤ ਅਹੁਦੇਦਾਰਾਂ ਦੇ ਨਾਲ ਸਹਾਇਕ ਖਜਾਨਚੀ ਸਿਮਰਜੀਤ ਸਿੰਘ ਕੋਛੜ, ਜੁਆਇੰਟ ਸਕੱਤਰ ਵਿੱਕੀ ਵਰਮਾ ਤੇ ਗੌਰਵ ਪੱਬੀ, ਪ੍ਰੈਸ ਸਕੱਤਰ ਕੁਲਵਿੰਦਰ ਸਿੰਘ ਸਲੇਮਟਾਬਰੀ, ਸਤਪਾਲ ਸੋਨੀ, ਪ੍ਰਦੀਪ ਭੰਡਾਰੀ, ਵੱਲੋਂ ਆਏ ਹੋਏ ਮਹਿਮਾਨਾਂ ਨੂੰ ਲੋਈਆਂ ਤੇ ਯਾਦਗਾਰੀ ਚਿੰਨ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ। ਮੰਤਰੀ ਹਰਦੀਪ ਸਿੰਘ ਮੁੰਡੀਆਂ, ਵਿਧਾਇਕ ਕੁਲਵੰਤ ਸਿੰਘ ਸਿੱਧੂ, ਵਿਧਾਇਕ ਦਲਜੀਤ ਸਿੰਘ ਭੋਲਾ ਗਰੇਵਾਲ, ਮੇਅਰ ਪ੍ਰਿੰਸੀਪਲ ਇੰਦਰਜੀਤ ਕੌਰ ਵੱਲੋਂ ਜਿੱਥੇ ਪੱਤਰਕਾਰੀ ‘ਚ ਨਾਮਣਾ ਖੱਟਣ ਵਾਲੇ ਪੱਤਰਕਾਰਾਂ ਨੂੰ ਐਵਾਰਡ ਦਿੱਤੇ ਗਏ। ਦੇਸ਼ ਦੁਨੀਆਂ ਅਖਬਾਰ ਤੇ ਚੈਨਲ ਦੀ ਮੈਨੇਜਿੰਗ ਡਾਇਰੈਕਟਰ ਗੁਰਿੰਦਰ ਕੌਰ ਮਹਿਦੂਦਾਂ (ਐਮਏ-ਜੇਐਮਸੀ) ਜਿਹੜੇ ਅਪਣੇ ਸਥਾਨਕ ਅਤੇ ਪੰਜਾਬ ਦੇ ਵੱਖ ਵੱਖ ਜਿਲਿਆਂ ਦੇ ਪੱਤਰਕਾਰਾਂ ਨਾਲ ਸਮਾਗਮ ‘ਚ ਪੁੱਜੇ ਸਨ ਨੂੰ ਵੀ ਐਵਾਰਡ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਜਿਨ੍ਹਾਂ ਸਮਾਗਮ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਭਵਿੱਖ ‘ਚ ਇਸ ਮੰਚ ਦੇ ਪੱਤਰਕਾਰਾਂ ਲਈ ਪੱਤਰਕਾਰੀ ਕਰਨਾ ਵੱਡਾ ਖਤਰਾ ਹੈ ਜਿਨ੍ਹਾਂ ਨੂੰ ਇੱਕਜੁੱਟ ਰਹਿਣਾ ਹੋਵੇਗਾ ਤੇ ਏਥਿਕਸ 2021 ਰਾਹੀਂ ਖੁਦ ਨੂੰ ਰਜਿਸਟਰਡ ਕਰਵਾਉਣਾ ਜਰੂਰੀ ਹੋਵੇਗਾ।
ਮੰਚ ਤੋਂ ਸੰਬੋਧਨ ਦੌਰਾਨ ਕਲੱਬ ਦੇ ਰਵੀ ਸ਼ਰਮਾ ਨੇ ਕਿਹਾ ਪੰਜਾਬ ਸਰਕਾਰ ਦੇ ਮੰਤਰੀ ਮੁੰਡੀਆਂ, ਵਿਧਾਇਕ ਗਰੇਵਾਲ ਤੇ ਸਿੱਧੂ ਅਤੇ ਮੇਅਰ ਇੰਦਰਜੀਤ ਕੌਰ ਵੱਲੋਂ ਪੰਜਾਬ ਸਰਕਾਰ ਨਾਲ ਸਬੰਧਿਤ ਮੰਗਾਂ ਨੂੰ ਮੰਨਵਾਉਣ ਦਾ ਜਿੱਥੇ ਭਰੋਸਾ ਦਿੱਤਾ ਹੈ ਉੱਥੇ ਹੀ ਇਸ ਕਲੱਬ ਨੂੰ ਸੀ ਆਰ ਬੀ ਬਣਾਉਣ ‘ਚ ਮੱਦਦ ਕਰਨ ਦਾ ਵੀ ਭਰੋਸਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਏਹ ਮਾਮਲਾ ਕੇਂਦਰ ਸਰਕਾਰ ਨਾਲ ਜੁੜਿਆ ਹੈ ਅਤੇ ਭਾਜਪਾ ਆਗੂ ਗੁਰਦੇਵ ਦੇਬੀ ਸ਼ਰਮਾ ਦੇ ਸਪੁੱਤਰ ਅਕਾਸ਼ ਸ਼ਰਮਾ ਨੇ ਸਮਾਗਮ ‘ਚ ਪਹੁੰਚ ਕੇ ਸਾਡੀ ਪਹਿਲੀ ਮੰਗ ਨੂੰ ਕੇਂਦਰ ਸਰਕਾਰ ਕੋਲੋਂ ਮਨਵਾਉਣ ਦਾ ਭਰੋਸਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਅਪਣੀ ਕਲੱਬ ਨੂੰ ਸੀ ਆਰ ਬੀ ਬਣਾ ਕੇ ਪੰਜਾਬ ‘ਚ ਚੱਲਦੇ ਹਰ ਡਿਜਿਟਲ ਮੀਡੀਆ ਨੂੰ ਕੇਂਦਰ ਸਰਕਾਰ ਤੋਂ ਮਾਨਤਾ ਦਿਵਾਉਣਾ ਹੀ ਸਾਡਾ ਮੰਤਵ ਹੈ।ਸਰਬਜੀਤ ਸਿੰਘ ਕੋਛੜ ਨੇ ਕਿਹਾ ਕਿ ਡਿਜਿਟਲ ਮੀਡੀਆ ਦੇ ਪੱਤਰਕਾਰਾਂ ਨੂੰ ਵੀ ਪੰਜਾਬ ਸਰਕਾਰ ਪੀਲੇ ਜਾਂ ਕਿਸੇ ਹੋਰ ਰੰਗ ਦਾ ਪਹਿਚਾਣ ਪੱਤਰ ਜਾਰੀ ਕਰੇ ਕਿਉਂਕਿ ਇਸ ਖੇਤਰ ਦੇ ਪੱਤਰਕਾਰਾਂ ਨੂੰ ਬਹੁਤ ਸਾਰੀਆਂ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ਹਾਲ ਦੀ ਘੜੀ ਡਿਜਿਟਲ ਪ੍ਰੈਸ ਕਲੱਬ ਦੇ ਕਾਰਡ ਉੱਤੇ ਦਸਤਖਤ ਕਰਕੇ ਉਸਨੂੰ ਪਹਿਚਾਣ ਵਜੋਂ ਆਰਜੀ ਮਾਨਤਾ ਦੇਣ ਲਈ ਸਰਕਾਰ ਦੇ ਨੁੰਮਾਇੰਦਿਆਂ ਦਾ ਧੰਨਵਾਦ ਵੀ ਕੀਤਾ। ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਰੋਹਿਤ ਗੌੜ ਅਤੇ ਹਰਸ਼ਦੀਪ ਸਿੰਘ ਮਹਿਦੂਦਾਂ ਨੇ ਕਿਹਾ ਕਿ ਪ੍ਰੋਗਰਾਮ ਦੀ ਸਫਲਤਾ ਡਿਜਿਟਲ ਮੀਡੀਆ ਦੇ ਪੱਤਰਕਾਰਾਂ ਵੱਲੋਂ ਸਾਡੇ ਇਰਾਦੇ ‘ਤੇ ਮੋਹਰ ਹੈ। ਉਨ੍ਹਾਂ ਕਿਹਾ ਕਿ ਸਾਰੀਆਂ ਮੰਗਾਂ ਤੋਂ ਅਹਿਮ ਕੇਂਦਰ ਸਰਕਾਰ ਵੱਲੋਂ ਪ੍ਰਵਾਨਿਤ ਇਸ ਪਲੇਟਫਾਰਮ ਦੇ ਚੈਨਲਾਂ ਤੇ ਸ਼ੋਸ਼ਲ ਸਾਈਟਾਂ ਨੂੰ ਮਾਨਤਾ ਦਿਵਾਉਣਾ ਹੈ ਜਿਸ ਵਿੱਚ ਅਸੀਂ ਲੱਗੇ ਹਾਂ ਅਤੇ ਜਲਦ ਹੀ ਨਿਯਮਾਂ ‘ਚ ਰਹਿਣ ਵਾਲੇ ਅਜਿਹੇ ਪਲੇਟਫਾਰਮ ਰਜਿਸਟਰਡ ਹੋਣਗੇ। ਉਨ੍ਹਾਂ ਇਸ ਪ੍ਰੋਗਰਾਮ ਦੀ ਸਫਲਤਾ ਲਈ ਸਾਰੇ ਪੱਤਰਕਾਰਾਂ ਨੂੰ ਮੁਬਾਰਕਵਾਦ ਦਿੱਤੀ ਅਤੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਸਮੇਂ ਚ ਕ੍ਰਿਸਟਲ ਕੰਪਨੀ ਦੇ ਮਾਰਕੀਟਿੰਗ ਮੈਨੇਜਰ ਪਰਮਜੀਤ ਸਿੰਘ ਲੋਂਗੀਆ ਅਤੇ ਬਰਾੜ ਬੀਜ ਸਟੋਰ ਦੇ ਨੁਮਾਇੰਦੇ ਵੀ ਪਹੁੰਚੇ ਜਿਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਗੁਰਮੀਤ ਸਿੰਘ ਚੇਅਰਮੈਨ ਫੋਟੋ ਜਰਨਲਿਸਟ ਐਸੋਸੀਏਸ਼ਨ, ਸਰਬਜੀਤ ਲੁਧਿਆਣਵੀ ਪ੍ਰਧਾਨ ਲੋਇਨਜ ਕਲੱਬ, ਬਲਬੀਰ ਰਾਣਾ ਪ੍ਰਧਾਨ ਸਤਲੁਜ ਪ੍ਰੈਸ ਕਲੱਬ, ਅਸ਼ੋਕ ਪੁਰੀ ਚੇਅਰਮੈਨ ਜਰਨਲਿਸਟ ਐਸੋਸੀਏਸ਼ਨ, ਸਮਰਾਟ ਸ਼ਰਮਾ, ਪ੍ਰਿਤਪਾਲ ਪਾਲੀ, ਰਾਜਿੰਦਰ ਧਵਨ, ਹਰਪ੍ਰੀਤ ਪ੍ਰਿੰਸ, ਜਪਿੰਦਰ ਸਿੰਘ ਗਰੇਵਾਲ, ਐਸ ਐਸ ਭੱਟੀ, ਜਰਨੈਲ ਭੱਟੀ, ਇੰਦਰਪਾਲ ਸਿੰਘ ਧੁੰਨਾ, ਪਰਮਿੰਦਰ ਜਮਾਲਪੁਰ, ਅਮਨ, ਗੁਰੂ, ਲਾਲ ਚੰਦ, ਕਰਨਵੀਰ ਮਾਂਗਟ, ਬਲਜੀਤ ਸਿੰਘ ਜਮਾਲਪੁਰ, ਜਸਬੀਰ ਸਿੰਘ, ਸੁਰਿੰਦਰ ਸ਼ਿੰਦਾ, ਵਿਜੇ ਧਵਨ, ਅਜੇ ਪਾਹਵਾ, ਅਨਿਲ ਪਾਸੀ, ਸਵਰਨਜੀਤ ਸਿੰਘ, ਅਮਨਦੀਪ ਸਿੰਘ, ਲੱਕੀ ਘੁਮੈਤ, ਸ਼ਰੀਪਾਲ ਸ਼ਰਮਾ, ਜੱਗਾ, ਅਵਸ਼ੇਕ ਬਹਿਲ, ਸੰਜੀਵ ਟੰਡਨ, ਗਗਨ, ਜਾਨਵੀ, ਜਗਮੀਤ ਵਿੱਕੀ, ਰਿੰਕੂ ਅਤੇ ਹੋਰ ਹਾਜ਼ਰ ਸਨ।
